पृथ्वी राजमार्ग अझै अबरुद्ध

धादिङ-अविरल वर्षासंगै पृथ्वी राजमार्गको कृष्ण भिर नजिकै पहिरो खसेपछि सडक अवरुद्ध भएको छ । सडक खुलाउनका लागि सडक विभागको टोली र प्रहरीले काम गरिरहेका छन । बेनीघाट रोराङ्ग गाउँपालीकाको वडा नं–७मा पर्ने कृष्ण भिर नजिकैको सो स्थान पहिरोको उच्च जोखिमा परेको ठाँउ हो । यसैगरी गएराति नै नारायणगढ–मुग्लिङ सडकखण्डको चार किलोमा पहिरो खसेपछि सडक अवरुद्ध भएको छ । इच्छाकामना गाउँपालिका–६ स्थित चार किलोमा पहिरो खसेको हो । यसैगरी पृथ्वी राजमार्गअन्तर्गत दमौली डुम्रे सडकखण्ड पनि पुनः अवरुद्ध भएको छ । राजमार्गको सडक भाँसिएपछि बनाइएको वैकल्पिक मार्गमा सवारी साधन फसेर पृथ्वी राजमार्ग पुनः अवरुद्ध भएको हो । बन्दीपुर गाउँपालिकास्थित नालामा सडक नै भाँसिएर पहिरो गएपछि यसअघि पनि राजमार्ग अवरुद्ध भएको थियो ।।