सुक्खा पहिरोमा स्काभेटर, ट्याक्टर र ट्रिपर पुरिंदा २ जना वेपत्ता

बागलुङ- बागलुङमा सुक्खा पहिरोमा परी स्काभेटर, ट्याक्टर र ट्रिपर पुरिंदा २ जना वेपत्ता भएका छन् । बागलुङ नगरपालिका वडा नं. १ निरहे स्थित रामरेखा सामुदायीक वन क्षेत्रमा गएराती सुक्खा पहिरो जाँदा सडक ग्रभेल गर्ने रोडा निकाल्दै गरेका ट्याक्टर र ट्रिपर पुरिएको हो ।

स्काभेटर चालक पहिरो खसेपछी भाग्ने क्रममा घाईते अवस्थामा फेला परेको र अन्य दुई जना सम्पर्क विहिन भएको बागलुङका प्रमुख जिल्ला अधिकारी सुरेश न्यौपानेले बताउनु भयो ।

पहिरोमा हराईरहेकाहरुको बिहानदेखि खोजी भैरहेको छ । तर सुक्खा पहिरो  खस्ने क्रम नरोकि‌दा खोजी कार्यमा समस्या भएको छ । पोखरा बागलुङ राजमार्ग अन्र्तगत बागलुङ नगरपालिका १ वाङगेचौरमा सडक स्तरवृद्धिको लागी ग्रवेल गर्ने सामाग्रि निकाल्दा रामरेखा सामुदायिक वन  क्षेत्रमा रातको समयमा पहिरो गएको हो ।-