पछिल्लो २४ घण्टामा २१० जनामा कोरोना संक्रमण

काठमाडौं– पछिल्लो २४ घण्टामा २ सय १० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्रा.डा. जागेश्वर गौतमले २ सय १० जनामा कोरोना संक्रमण पुष्टि भएको जानकारी दिनुभयो । तीमध्ये काठमाडौंमा १४ र भक्तपुरमा १ गरी उपत्यकामा नयाँ संक्रमित भेटिएका छन् । सबैभन्दा बढी रौतहट र कैलालीमा कोरोना संक्रमित भेटिएका छन् । ५ वटा जिल्ला संक्रमणशून्य अवस्थामा रहेको छ ।

पछिल्लो २४ घण्टामा १ सय ४६ जना कोरोनामुक्त भएका छन् । हालसम्म १४ हजार २१ जना डिस्चार्ज भएका छन् ।