नवलपुरमा १ अर्बको लगानीमा कागज उद्योग
चितवन- नवलपुरको आरुङ्गखोलामा १ अर्ब रुपैयाँको लागतमा नयाँ कागज उद्योग सञ्चालनमा आएको छ ।
कागज उद्योगको इतिहास जोडिएको नवलपरासी जिल्ला हाल नवलपुर र पश्चिम नवलपरासीको रुपमा रहेको छ ।
भृकृटी कागज उद्योग हाल वन्द रहेपनि तत्कालिन अवस्थामा कागज उत्पादन गर्ने जिल्लाको रुपमा परिचित थियो ।
नवलपरासीको पहिचान फेरि स्थापित गर्न युवा व्यवसायहरुको लागानीमा क्वालिटी पेपर ईण्डष्ट्रिज् प्रा.लिले काजग उद्योग सञ्चालनमा ल्याएको हो ।
नवलपुरस्थित आरुङ्गखोलामा विस २०७५ सालदेखि स्थापना भई भरतपुरमा केन्द्रिय कार्यालय रहेर झण्डै दुई बर्षको मिहिनेत पछि आफ्नो उत्पादन बजारमा ल्याउन लागेको उद्योगका अध्यक्ष सुकेशकुमार गुप्ताले जानकारी दिए ।
यसअघि नेपालमा प्याकेजिङ्गका लागि भारत र चीनसहित तेश्रो मुलुकबाट कागज आयात गर्ने अवस्था थियो । निकट भविष्यमा सेतो कागज पनि उत्पादन गर्ने र मुलुकको कुल खपतको पचास प्रतिशत खपत यहाबाट धान्ने लक्ष्य रहेको गुप्ताको भनाइ थियो ।
कागजजन्य फोहरलाई पुनःप्रशोधन गरी स्वदेशमा दुई प्रकारका कागज उत्पादन गर्ने लक्ष्य यो उद्योगले लिएको छ । युरोपियन प्रबिधिको प्रयोग गरी वातावरण प्रदुषणलाई रोक्ने दावी संचालकको छ ।
नेपालमा हाल ८० प्रतिशत सेतो कागज तथा ६० प्रतिशत प्याकेजिङ कागज विभिन्न मुलुकबाट आयात हुने गरेको तथ्याकं छ ।
४ जना युवाहरुले प्रभू बैकको सहकार्यमा १ अर्ब रुपैयाँ लगानीमा उद्योग सुरु हुन लागेको हो । उद्योगले स्थानीय १ सय ५० जनालाई रोजगारी दिने जनाएको छ ।
नेपालमा हाल ३ वटा कागज उद्योग रहेका छन् । विरगञ्ज र विराटनगरको उद्योग सञ्चालनमा रहेपनि भैरहवाको उद्योग वन्द छ ।
उद्योगले तेश्रो मुलुकबाट आउने कागजको गुणस्तर र मुल्यमा बिक्रि वितरण गर्ने उद्योगका बजार निर्देशक रुपक श्रेष्ठले जानकारी दिएका छन ।।
प्रतिक्रिया राख्नुहोस्