सिन्धुपाल्चोक पहिरोमा हराएकाहरु खोज्दै सेना (भिडियो र फोटो फिचर)
सिन्धुपाल्चोक– नेपाली सेनाले गत साउन ३० गते सिन्धुपाल्चोकको जुगल गाउँपालिका वडा नं. २ मा गएको पहिरोमा हराइरहेकाहरुको खोजी र उद्दारलाई निरन्तरता दिएको छ ।
नेपाली सेनाको श्री गोरखबक्स गणको खोज तथा उद्दार टोलीले सशस्त्र प्रहरी बल नेपाल, नेपाल प्रहरी, स्थानीय बासिन्दालगायत अन्य निकायहरुको सहयोगमा हालसम्म १९ जनाको शव फेला पारेको छ । तीमध्ये चार महिला, तीन पुरुष, पाँच बालिका र सात बालक छन् ।
पहिरोमा अझै २० जना हराइरहेका छन् । नेपाली सेनाले पहिरोको बिपत्तीमा परिरहेकाहरुलाई हेलिकप्टरबाट खाद्यान्न, लत्ता कपडा, पाल लगायत अत्यावश्यक राहत सामग्री पुर्याएको छ ।
स्थानीय प्रशासन, सशस्त्र प्रहरी बल नेपाल, नेपाल प्रहरी, स्थानीय बासिन्दासहित नेपाली सेनाका ४७ जना खोज र उद्दारमा खटिएका छन् ।
तस्बिर सौजन्य : नेपाली सेना
प्रतिक्रिया राख्नुहोस्