कैलाश खोलाले बगाएका ७ जनाको शव फेला ( बेपत्ता भएकाहरुको नामावलीसहित) अपडेट

अछाम- अछामको रामारोशन गाउँपालिकास्थित कैलाश खोलामा अचानक आएको बाढीले ठूलो क्षति पुर्‍याएको छ। बाढीमा परी हराएकामध्ये पाँच जनाको शव फेला परेको छ भने २४ जना अझै बेपत्ता छन् ।

बाढी नदी किनारमा रहेका कैयौँ घरहरु पनि बगाएको छ । गाउँपालिकाको गजड बजार, मुजा बगर, खालबजार, सैनी बजारमा सबैभन्दा बढी क्षति पुगेको हाम्रा संवाददाता नरेन्द्र रावलले जनाएका छन् ।

अविरल वर्षाका कारण खोलामा पानीको बहाव अत्यधिक बढेको र पहिरो पनि खसेकाले अचानक बाढी आएको हुनसक्ने आशंका गरिएको छ । सो क्षेत्रमा रहेको रामारोशन ताल पनि फुटेको हुन सक्ने समाचारमा जनाइएको छ ।

बाढीले जयगड रामारोशन सडक खण्डको अधिकांश भाग बगाएको छ भने गाउँपालिकाको प्रवेशद्वार र पक्कीपुल समेत बगाएको छ । हेलिकप्टरमार्फत् उद्धार गर्ने प्रयास भएपनि खराब मौसमका कारण उद्धार कार्य प्रभावित भएको प्रमुख जिल्ला अधिकारी गोकर्णप्रसाद उपाध्यायले बताउनुभएको छ ।

बेपत्ता हुनेहरुको नामावली यसप्रकार छ-
१ चन्द्र ब साउद
२ बशुन्धरा साउद
३ नन्द सिं साउद
४ गंगा साउद
५ रुपेस साउद
६ जोगा साउद
७ नबिन साउद
८ कबिता बुढा साद
९ अमर ब शाह
१० पबित्रा शाह
११ समिर शाह
१२ लालसरा शाही
१३ बशन्त शाही
१४ गौरफ शाह
१५ सम्झना शाह
१६ प्राप्ती साउद
१७ बिमा साउद