सुख्खा पहिरो खस्दा बनेपामा महिला बेपत्ता

काभ्रे– सुख्खा पहिरो खस्दा बनेपा नगरपालिका वडा नं. ३ तीनघरेमा एक महिला बेपत्ता भएकी छन् । घाँस काट्न काँक्रेबाट तीनघरे गएकी ५२ वर्षीया मैया बजगाई पहिरोमा परी बिहीबार दिउँसोबाट बेपत्ता भएकी हुन् ।

बिहीबारबाटै नेपाली सेना, शसस्त्र प्रहरी, नेपाल प्रहरीले उद्दार जारी राखेको भएपनि अझैसम्म फेला नपरेको जिल्ला विपद व्यवस्थापन समितिका संयोजक समेत रहनुभएका प्रमुख जिल्ला अधिकारी श्रवणकुमार तिमिल्सिनाले जानकारी दिनुभयो ।

बिहीबार साँझबाट बर्षा सुरु भएपछि रोकिएको उद्धार कार्य शुक्रबार बिहानैबाट जारी राखिएको छ ।