पर्सामा थप ५० जनामा कोरोना संक्रमण

पर्सा- नारायणी अस्पतालको प्रयोगशालामा प्रदेश नम्बर २ को विभिन्न स्थानबाट आएका स्वाबका नमुनाहरुलाई परिक्षण गर्दा
थप ५० जनामा कोरोना सङ्क्रमण पुष्टि भएको छ । थपिएका सङ्क्रमितहरु प्रदेश नम्बर २ को पर्सा, बारा, रौतहट,
महोत्तरी, धनुषा, सर्लाही र काठमाडौंका बासिन्दा हुन । अस्पतालमा शुक्रबार ४ सय ४३ जनाको स्वाबको नमुनालाई परीक्षण गर्दा ५
महिलासहित थप ५० जनामा सङ्क्रमण पुष्टि भएको हो । नारायणी अस्पतालले आज अबेर राति सार्वजनिक गरेको विवरण
अनुसार पर्साको वीरगञ्ज महानगरपालिका, पोखरिया नगरपालिका र कालिकामाई गाउँपालिका गरी ३१ जनामा सङ्क्रमण
देखिएको छ । जसमा पोखरियाका १० जना, कालीकामाईका ३ जना र बाँकी सबै वीरगञ्जको बिभिन्न वडाका बासिन्दा हुन ।
त्यसैगरी बाराका ८ जना धनुषाका ४ जना, महोत्तरीका ३ जना, रौतहटका १ जना, सर्लाहीका २ जना र काठमाडौंका १ जनामा
पनि सङ्क्रमण पुष्टि भएको अस्पतालले जनाएको छ । सङ्क्रमितमा १५ वर्षका युवादेखि ५६ वर्षका वृद्धसम्म रहेको
नारायणी अस्पतालका प्रवक्ता डाक्टर अटुलेशकुमार चौरसियाले जानकारी दिनुभयो ।।