पहिरोले घर पुरियो, दुई बालकको मृत्यु

रोल्पा- रोल्पाको लुङग्री गाउँपालिका-१ पाँङ ऐपेमा गएराति पहिरोले घर पुरिंदा दुई जना बालकको मृत्यु भएको छ ।

अबिरल बर्षातका कारण घरमाथिबाट झरेको पहिरोले घर र गोठ पुरिदा ज्ञानसिंह घर्ती मगरका ११ बर्षिय छोरा युबराज र ८ बर्षिय छोरा अमरको मृत्यु भएको प्रहरीले जनाएको छ ।

प्रहरीका अनुसार हजुरबुवा, हजुरआमा र आमा सहित पाँच जना सुतेका मध्ये ३ जनाको अवस्था सामान्य रहेको छ ।

मृतक बालकका बुवा भने रोजगारीका लागि भारतमा रहेको लुङग्री गाउँपालिका १ का वडाध्यक्ष मोती पुनले जानकारी दिनुभयो ।-