२४ घण्टामा थपिए ११७० कोरोना भाइरस संक्रमित, उपत्यकामा ५१२ जनामा संक्रमण पुष्टि

काठमाडौं– पछिल्लो २४ घण्टामा थप ११७० जना कोरोना भाइरस (कोभिड- १९) संक्रमित थपिएका छन् ।

देशभरका प्रयोगशालामा १०८७८ जनाको पीसीआर परीक्षण गर्दा ११७० जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयको नियमित प्रेस ब्रिफिङमा सोमबार प्रवक्ता प्रा.डा. जागेश्वर गौतमले जानकारी दिनुभयो ।

बितेको २४ घण्टामा ८७९ जना डिस्चार्ज भएका छन् । अहिलेसम्म डिस्चार्ज हुनेको संख्या ३९५७६ रहेको छ । संक्रमितमध्ये ७१.५ प्रतिशत भएका छन् ।

उपत्यकामा ५१२ जनामा संक्रमण पुष्टि
उपत्यकामा मात्रै पछिल्लो २४ घण्टामा ५१२ जनामा कोरोना संक्रण पुष्टि भएको छ ।

काठमाडौंमा ४४०, भक्तपुरमा ४३ र ललितपुरमा २९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।