वडाध्यक्ष मणीलाल तामाङको कोरोना संक्रमणबाट मृत्यु
चितवन- चितवनको भरतपुर महानगरपालिका- २० का वडाध्यक्ष मणीलाल तामाङको कोरोना संक्रमणबाट मृत्यु भएको छ ।
तमाङको भरतपुर अस्पतालमा उपचारका क्रममा मृत्यु भएको अस्पतालका कोभिड १९ क्लिनिकल को-अर्डिनेटर डा प्रमोद पौडेलले जानकारी दिनुभएको हो ।
७० वर्षिय तामाङलाई असोज १४ गते कोरोना पुष्टि भएसँगै उच्च ज्वरो, खोकी र श्वासप्रश्वासमा समस्या आएको थियो । तामाङलाई असोज २३ गते भर्ना गरिएको हो ।
उनलाई मधुमेह, उच्च रक्तचापको समेत समस्या थियो । अस्पताल भर्ना गर्दा अक्सिजनको मात्रा ४० मा झरेपछि उनलाई सघन उपचार कक्षमा राखेर उपचार गरिएको थियो ।
तामाङ गत स्थानीय निर्वाचनमा नेपाली कांग्रेसका तर्फबाट निर्वाचित वडाअध्यक्ष हुन् ।।
प्रतिक्रिया राख्नुहोस्