भिडभाडसँगै धादिङमा संक्रमणको जोखिम

धादिङ- हिन्दूहरुको महान पर्व वडा दशैँ नजिकै जाँदा धादिङ बजारमा किनमेल गर्न आउने मानिसहरुको घुइँचो नै लाग्न थालेको छ ।

सरकाले सेवा निबृत्त  कर्मचारीलाई दिने  पेन्सन, बृद्ध भत्तालगायत बैदेशिक रोजगारीमा गएकाहरुले पठाएको पैसा लिन आउने मानिसहरुका कारण भिड निकै बढेको हो ।

यसरी बड्दो भिडको नियन्त्रण गर्न नसक्दा कोरोना संक्रमणको जोखिम पनि सँगसँगै बढेको छ ।

बैंक तथा वित्तीय संघ संस्थाहरुमा कारोवार गर्न आउने सेवा ग्राहीहरुले माक्स लगाएको भएपनि भौतिक दूरी कायम गर्न नसक्दा कोरोना संक्रमणको जोखिम बढेको हो ।

सेवाग्राहीहरुले भौतिक दूरी कायम गरेर सेवा लिन असम्भव भएको बताउँदै वित्तीय संस्थाहरुले बैकिङ्ग कारोवारोमा बैज्ञानिक तरिका अपनाउन नसक्दा समस्या आएको बताउँछन ।

अहिले मुलकभरी नै तिब्र गतिमा कोरोनाको संक्रमण बढे जस्तै धादिङमा पनि संक्रमणको दर उच्च रहेको छ ।

कोरोनाको संक्रमण रोकथाम नियन्त्रणका लागि  सरकाले तोकेको स्वास्थ्य मापदण्ड अपनाई ब्यापार व्यबसाय सञ्चालन गर्नु पर्नेमा धादिङमा भने त्यसको पालना भइरहेको छैन ।

अनुगमन गर्ने निकाय नभएकाले गर्दा पनि थप समस्या आएको हो ।

स्वास्थय मापदण्ड नपनाई काम गर्दा बैंक तथा वित्तीय संस्थाका  कर्मचारीहरु पनि कोरोना भाइरसको संक्रमणको चपेटामा परेका छन ।।