नेपाली काँग्रेस केन्द्रीय समितिको बैठक कार्तिक २१ गते बस्ने
काठमाडौं- नेपाली काँग्रेस केन्द्रीय कार्यसमितिको बैठक कार्तिक २१ गते शुक्रबार अपराह्न पार्टीको केन्द्रीय कार्यालय, ललितपुरमा बस्ने भएको छ ।
पार्टीको आगामी १४ औँ महाधिवेशनको तयारीका सन्दर्भमा हुने काँग्रेसको बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित केन्द्रीय सदस्यलाई उपस्थित हुने पार्टीले अनुरोध गरेको छ ।
पार्टीका मुख्य सचिव कृष्णप्रसाद पौडेलले आज एक विज्ञप्ती जारी गर्नुहुँदै पार्टीको बैठकका बारेमा जानकारी गराउनुभएको हो।
कोरोना भाइरसको महामारीका कारण दशैँ अगाडि बस्ने भनिएको काँग्रेसको बैठक स्थगित भएको थियो । बैठक तयारीका लागि केन्द्रीय समितिका सदस्यहरुको पीसीआर परिक्षण गर्दा केही केन्द्रीय सदस्यहरुलाई संक्रमण देखिएपछि बैठक स्थगित भएको हो ।।
प्रतिक्रिया राख्नुहोस्