गत २४ घण्टामा थपिए २९३३ नयाँ संक्रमित, उपत्यकामा १६३० जनामा संक्रमण पुष्टि

काठमाडौं– नेपालमा गत २४ घण्टामा २९३३ जना संक्रमित भएका छन् ।

स्वास्थ्य तथा जनसंख्या मन्त्रालयका अनुसार बितेको २४ घण्टामा देशभरका प्रयोगशालामा १३४४६ जनाको पीसीआर परीक्षण गर्दा २९३३ जनामा कोरोना भाइरस संक्रमण पुष्टि भएको हो । उपत्यकामा मात्रै १६३० जना संक्रमित भएका छन् । काठमाडौंमा १३२९, भक्तपुरमा १०८ र ललितपुरमा १९३ जना संक्रमित भए ।

मन्त्रालयका अनुसार पछिल्लो २४ घण्टामा ३१५० जना डिस्चार्ज भएका छन् । अहिलेसम्म डिस्चार्ज हुनेको संख्या १३७९९२ रहेको छ । नेपालमा निको हुनेको दर ७८.२ प्रतिशत रहेको छ ।