नेतृत्वबाटै पहल गर्नुपर्छः पोखरेल (भिडियोसहित)

काठमाडौं– नेपाल कम्युनिष्ट पार्टी (नेकपा)को आन्तरिक समस्या संवाद र सहमतिबाटै समाधान गर्नु पर्नेमा दलका नेताहरुले जोड दिनुभएको छ । एकीकृत पार्टीभित्र एकताका कतिपय विषय मिलाउन बाँकी रहेको अवस्थामा शीर्ष तहमा कुरा नमिल्दा राजनीतिक स्थायित्व र समृद्धिको यात्रा नै प्रभावित हुने भन्दै उहाँहरुले एकतालाई थप बलियो बनाउन नेतृत्व तहबाटै पहल हुनुपर्ने बताउनुभएको छ ।

पार्टीका नेता एवं उपप्रधानमन्त्री ईश्वर पोखरेलले पार्टी एकतालाई बचाउन आग्रह गर्नुभएको छ । उहाँले एकताका बेला गरिएको सहमति विपरीत पूर्व समूहभित्रको आबद्धताका आधारमा समीकरण बनाएर खेल खेल्न खोज्दा विभाजनको दूर्भाग्य निम्तिन लागेको उल्लेख गर्नुभयो ।