नेपालमा नयाँ संक्रमित २५७१ जना

काठमाडौं– नेपालमा गत २४ घण्टामा २ हजार ५ सय ७१ जनामा कोरोना भाइरस संक्रमण पुष्टि भएको छ ।

११ हजार १ सय ७७ जनाको पीसीआर परीक्षण गर्दा १०५१ महिला र १५२० जना पुरुष गरी २५ हजार ७१ जना संक्रमित भएका हुन् ।

गत २४ घण्टामा १८ जनाको मृत्यु भएको छ । आजसम्म मृत्यु हुनेको संख्या ११२६ पुगेको छ ।

गत २४ घण्टामा १ हजार ७ सय ९८ जना डिस्चार्ज भएका छन् । नेपालमा कोरोना निको हुने दर ८१ प्रतिशत रहेको छ ।

काठमाडौं उपत्यकामा १४२८ जना संक्रमित भएका छन् । काठमाडौंमा ११३६, भक्तपुरमा ९१ र ललितपुरमा २०१ जना संक्रमित भएको स्वास्थ्य तथा जनसंख्या मन्त्रालयले जनाएको छ ।