अमेरिकामा एकै दिन १ लाख २६ हजार कोरोना संक्रमित थपिए

काठमाडौं- कोरोना भाइरसको संक्रमणबाट विश्वमै सबैभन्दा प्रभावित संयुक्त राज्य अमेरिकामा दैनिक संक्रमण पनि सबैभन्दा बढी छ ।

अमेरिकामा वितेको २४ घन्टामा मात्रै १ लाख २६ हजार कोरोना भाइरसका नयाँ संक्रमित थपिएका छन् ।

अमेरिकामा हालसम्म संक्रमित हुनेको संख्या १ करोड ५५ लाखको हाराहारीमा पुगिसकेको छ ।

संक्रमणकै कारण मृत्यु हुनेको संख्या २ लाख ४५ हजार नाघिसकेको छ ।

विगत केहि साता अघिदेखि अमेरिकामा संक्रमण विगतको तुलनामा व्यापक रुपमा बढेको छ ।

अमेरिकामा भएको राष्ट्रपति निर्वाचनको दौरान भएका प्रचार प्रसार लगायतका सार्वजनिक कार्यक्रमहरुले पनि संक्रमण बढाएको अनुमान गरिएको छ ।

संक्रमितको संख्याको आधारमा दोस्रो बढी प्रभावित मुलुक भारत हो । भारतमा वितेको २४ घन्टामा ४४ हजारभन्दा बढी नयाँ संक्रमित थपिएका छन् ।

भारतमा हालसम्म ८६ लाख बढी संक्रमित भइसकेका छन् भने १ लाख २७ हजार बढीको कोरोना संक्रमणकै कारण मृत्यु भइसकेको छ । भारतमा पछिल्लो समय संक्रमण घट्दो क्रममा छ ।

पछिल्लो समय युरोपेली मुलुकहरुमा संक्रमण व्यापक रुपमा बढेको छ । दोस्रो लहरको संक्रमण अन्तर्गत् फ्रान्स, इटाली, स्पेन, जर्मनी, पोल्याण्ड लगायतका मुलुकमा दैनिक २० हजारभन्दा बढी छ ।

विश्वमा हालसम्म कोरोना संक्रमितको संख्या ५ करोड १७ लाख नाघेको छ भने मृत्यु हुनेको विश्वव्यापी तथ्यांक पनि १२ लाख ७८ हजार भन्दा बढी छ ।।