सदर चिडियाखाना आजबाट खुल्ला (भिडियो रिपोर्ट)

काठमाडौं– सदर चिडियाखाना आजबाट खुल्ला गरिएको छ ।

८ महिना भन्दा लामो समयपछि खुलेको सदर चिडियाखानामा पहिलो दिननै आगन्तुकको उपस्थिति उत्साहजनक रह्यो । बिहान टिकट खुल्ला गरिएको २ घण्टामै १ सय जना आगन्तुकले चिडियाखाना प्रवेश गरेका थिए । देशकै एकमात्र सदर चिडियाखानाका ललितपुरको जावलाखेलस्थित दर चिडियाखाना आजदेखि खुल्ला गरिएको हो ।

कोरोनाका कारण गत चैत्र ७ गते देखि बन्द रहेको सदर चिडियाखाना नेपाल सरकारको कोभिड १९ संकट व्यवस्थापन केन्द्रको निर्णयपछि स्वास्थ्यका सबै मापदण्ड पालना गरी आजदेखि खुल्ला गरिएको हो ।

चिडियाखाना प्रवेशका लागि डिजिटल प्रणाली र अनलाइनमार्फत टिकट बुकिङ गर्न सक्ने र डिजिटल प्रणलीबाटै जाँच गरी भित्र जाने व्यवस्था गरिएको छ भने सदर चिडियाखाना भित्र पस्नका लागि स्वास्थ्यका सबै मापदण्डको पालना गरी सकेपछि मात्र भित्र जान पाउने व्यवस्था मिलाएको सदर चिडियाखानाका कार्यालय प्रमुख डा। चिरञ्जीवीले पोखरेलले बताउनुभयो ।