प्रधानमन्त्रीको सम्बोधन ३ बजे

काठमाडौं- प्रधानमन्त्री केपी शर्मा ओली पछिल्लो राजनीतिक घटनालगायत विषयमा आज अपराह्न ३ बजे देशवासीका नाममा सम्बोधन गर्नुहुने भएको छ ।

प्रधानमन्त्री निवास बालुवाटारमा हुने सम्बोधनको नेपाल टेलिभिजनका चारवटा च्यानल नेपाल टेलिभिजन, एनटीभी न्युज, एनटी इटहरी र एनटीभी कोहलपुर तथा मोबाइल एप, फेसबुक पेज, युट्युब च्यानल तथा nepaltvonline.com बाट दिउँसो ३ बजेपछि प्रत्यक्ष प्रसारण हुनेछ ।

प्रतिनिधिसभा विघटन भई ताजा जनादेशका लागि नयाँ निर्वाचनको मिति आइतबार तय भएपछि सो विषयमा प्रधानमन्त्रीले स्पष्ट पार्न लाग्नुभएको उहाँका प्रेस सल्लाहकार सूर्य थापाले जानकारी दिनुभयो । आजै प्रधानमन्त्री ओलीले नेपाल कम्युनिष्ट पार्टी (नेकपा) का स्थायी कमिटी सदस्य र निवर्तमान सांसद्सँग बालुवाटारमा परामर्श गर्नुभएको थियो ।