बेलायतमा कोरोना संक्रमण आश्चार्यजनक वृद्धि

लन्डन– बेलायतमा कोरोना महामारी शुरु भएयताकै दैनिक संक्रमित संख्या सबभन्दा बढी देखा परेको छ ।

पछिल्लो २४ घण्टाको विवरणमा बेलायतमा ३९ हजार २ सय ३७ जना नयाँ सक्रमित फेला परेका छन् भने ७ सय ४४ जनाको मृत्यु भएको छ । बेलायतको स्वास्थ्य तथा सामाजिक सुरक्षा मन्त्रालयले यस्तो तथ्यांक सार्वजनिक गरेको हो ।

बेलायतभरमा २१ लाखभन्दा बढी संक्रमित भैसकेका छन भने मृतक संख्या ६९ हजार भन्दा बढी पुगेको छ । त्यहाँ नयाँ प्रकारको कोरोना भाइरसको संकरमण फैलिइरहेको पनि बेलायत सरकारले जनाइसकेको छ ।