२४ घण्टामा ६०८ जना कोरोना संक्रमित

काठमाडौं– नेपालमा आज थप ६०८ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४१४२ जनाको पीसीआर परीक्षणमा ६०८ जनामा संक्रमण पुष्टि भएको हो ।

गत २४ घण्टामा ८९२ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ४८ हजार २ सय ९२ जना छन् । नेपालमा निको हुने दर ९६ दशमलव ५ प्रतिशत रहेको छ ।

कोरोना संक्रमणबाट थप ८ जनाको मृत्यु भएको छ । अहिलेसम्म मृत्यु हुनेको संख्या १८१६ रहेको छ ।

गत २४ घण्टामा काठमाडौं उपत्यकामा २७९ जना संक्रमित भएका छन् । तीमध्ये काठमाडौंमा २१२, भक्तपुरमा २० र ललितपुरमा ४७ जना संक्रमित थपिए ।