२४ घण्टामा ७०८ जना कोरोना संक्रमित

काठमाडौं– नेपालमा आज थप ७०८ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६१३५ जनाको गरिएको पीसीआर परीक्षणमा ७०८ जनामा संक्रमण पुष्टि भएको हो ।

गत २४ घण्टामा ७३१ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ५१ हजार ३ सय १२ जना छन् । नेपालमा निको हुने दर ९६ दशमलव ८ प्रतिशत रहेको छ ।

कोरोना संक्रमणबाट थप ८ जनाको मृत्यु भएको छ । अहिलेसम्म मृत्यु हुनेको संख्या १८४० रहेको छ ।

गत २४ घण्टामा काठमाडौं उपत्यकामा २७८ जना संक्रमित भएका छन् । तीमध्ये काठमाडौंमा ३२४, भक्तपुरमा २२ र ललितपुरमा ५२ जना संक्रमित थपिए ।