२४ घण्टामा ३२२ जना कोरोना संक्रमित

काठमाडौं– नेपालमा आज थप ३२२ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४३०६ जनाको गरिएको पीसीआर परीक्षणमा ३२२ जनामा संक्रमण पुष्टि भएको हो ।

गत २४ घण्टामा ३७४ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६१ हजार ८ सय १८ जना छन् । नेपालमा निको हुने दर ९७ दशमलव ८ प्रतिशत रहेको छ ।

कोरोना संक्रमणबाट थप ६ जनाको मृत्यु भएको छ । अहिलेसम्म मृत्यु हुनेको संख्या १९६५ रहेको छ ।

गत २४ घण्टामा काठमाडौं उपत्यकामा १६३ जना संक्रमित भएका छन् । तीमध्ये काठमाडौंमा १४१, भक्तपुरमा ७ र ललितपुरमा १५ जना संक्रमित थपिए ।