काठमाडौं विश्वविद्यालयको उपकुलपतिमा थापा नियुक्त

काठमाडौं– प्रधानमन्त्री तथा काठमाडौं विश्वविद्यालय कुलपति केपी शर्मा ओलीले विश्वविद्यालयको उपकुलपतिमा प्रा.डा. भोला थापालाई नियुक्त गर्नुभएको छ ।

उपकुलपतिका चयनका लागि गठित ‘सर्च कमिटी’ को सिफारिसमा प्रधानमन्त्री ओलीले डा. थापालाई नियुक्त गर्नुभएको प्रधानमन्त्रीका प्रेस सल्लाहकार सूर्य थापाले जानकारी दिनुभयो ।

शिक्षा मन्त्री संयोजकत्वको समितिले निवर्तमान उपकुलपति डा. रामकण्ठ माकजू श्रेष्ठ, डा. थापा र शिक्षा संकायका प्राध्यापक बालचन्द्र लुइँटेलको नाम सिफारिस गरेको थियो ।

विश्वविद्यालयको रजिष्ट्रार भइसक्नुभएका थापा काठमाडौं विश्वविद्यालयमै प्राध्यापनरत हुनुहुन्छ ।