२४ घण्टामा ३०२ जना कोरोना संक्रमित

काठमाडौं– नेपालमा आज थप ३०२ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ३५४५ जनाको गरिएको पीसीआर परीक्षणमा ३०२ जनामा संक्रमण पुष्टि भएको हो ।

गत २४ घण्टामा ४८० जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६३ हजार ३ सय ४८ जना छन् । नेपालमा निको हुने दर ९७ दशमलव ९ प्रतिशत रहेको छ ।

कोरोना संक्रमणबाट थप ७ जनाको मृत्यु भएको छ । अहिलेसम्म मृत्यु हुनेको संख्या १९८६ रहेको छ ।

गत २४ घण्टामा काठमाडौं उपत्यकामा ११२ जना संक्रमित भएका छन् । तीमध्ये काठमाडौंमा ९०, भक्तपुरमा ९ र ललितपुरमा १३ जना संक्रमित थपिए ।