आगलागीबाट एक जना बृद्धाको मृत्यु

रामेछाप- रामेछाप जिल्लाको गोकुलगंगा गाउँपालिका वडा नं २ ठोसे चौरपातलको एक घरमा मंगलबार विहान आगलागी हुँदा एक जना बृद्धाको जलेर मृत्यु भएको छ ।

स्थानीय किपा शेर्पाको ढुंगा माटोले बनेको घरमा आगलागी हुँदा उहाँको ८० बर्षीया आमा पासाङ्ग लेगी शेर्पाको मृत्यु भएको प्रहरी चौकी ठोसेले जानकारी दिएको छ ।

आज विहान २ बजेतिर आफ्नै घरको भान्सा कोठाबाट शुरु भएको आगोले पुरै घर जलेर नष्ट भएको छ ।

आगलागीबाट ४ लाख १० हजारको अन्न तथा नगद ३ लाख सहित गरी ७ लाख १० हजार बरावरको क्षति भएको प्रहरीले जनाएको छ ।

घटना भएको थाहा पाउने वित्तिक्कै जिल्ला प्रहरी कार्यालय मन्थली र प्रहरी चौकि ठोसेवाट उद्धारका लागि प्रहरी टोली पुगेको जिल्ला प्रहरी कार्यालय रामेछापले जनाएको छ ।

पिडित परिवारलाई गाउँ पालिकाको कार्यालयले राहत रकम स्वरुप ५० हजार रुपैयाँ दिने गोकुलगंगा गाउँ पालिकाका अध्यक्ष खड्ग सुनुवारले जानकारी दिनुभयो ।।