२४ घण्टामा नेपालमा ८१ जना कोरोना संक्रमित थपिए

काठमाडौं– पछिल्लो २४ घण्टामा नेपालमा ८१ जना कोरोना संक्रमित थपिएका छन्। यो सँगै कुल संक्रमितको संख्या २ लाख ७२ हजार ४ सय ३० पुगेको स्वास्थ्य तथा जनसंख्या मन्त्रालयले जनाएको छ।

जसमध्ये १ हजार ७ सय १८ जना सक्रिय संक्रमित छन्। गत २४ घण्टामा ३ हजार २३ जनाको पीसीआर परीक्षण गर्दा ८१ जनामा कोरोना पुष्टि भएको छ।

गत २४ घण्टामा थप ५ जना संक्रमितको मृत्यु भएको छ। यो सँगै कोरोना संक्रमित मृतकको संख्या २ हजार ५२ पुगेको छ। हाल ८७ जना क्वारेन्टाइनमा छन्। २४ घण्टामा १ सय ११ जना संक्रमणमुक्त भएका छन् । यो सँगै नेपालमा निको हुनेको संख्या २ लाख ६८ हजार ६ सय ६० पुगेको मन्त्रालयले जनाएको छ।