धार्केमा मोटरसाइकल दुर्घटना, बाबुछोराको मृत्यु

धादिङ– पृथ्वी राजमार्गको थाक्रे गाउँपालिकास्थित धार्के नजिकै भएको मोटरसाइकल दुर्घटनामा परी दुई जनाको मृत्यु भएको छ । धादिङको निलकण्ठ नगरपालिका–३ निवासी बलराम अधिकारी र उनका छोरा डा. सुरेस अधिकारीको मृत्यु भएको जिल्ला प्रहरी कार्यालय धादिङले जनाएको छ ।

काठमाडौंतर्फबाट मुग्लिनतिर आउँदै गरेको ट्रकले बाग्मती मोटर साइकललाई ठक्कर दिंदा दुर्घटना भएको हो । आजै गोरखामा भएको सडक दुर्घटनामा मोटरसाइकलमा सवार एक जनाको मृत्यु भएको छ ।

गोरखा–आँबुखैरेनी सडकखण्ड अन्तर्गत ९ किलोमा बसले मोटरसाइकललाई ठक्कर दिँदा गम्भीर घाइते भएका गोरखाको हंसपुरका ३२ वर्षीय केशव दवाडीको मृत्यु भएको हो ।