प्रतिबन्धित् लागु औषध अफीम खेती नष्ट

धादिङ- दक्षिणी धादिङको बेनीघाट रोराङ्ग गाउँपालीमा पर्ने विभिन्न स्थानमा प्रहरीले अबैध रुपमा गरिएको प्रतिवन्धित् लागु औषध अफिम खेती नष्ट गरेको छ ।

विशेष गरी महाभारत पर्वत श्रृखला क्षेत्रमा लागु औषध गाँजा मास्दै अफीमको अत्याधिक खेती हुने सुचनाको आधारमा धादिङ प्रहरीले आठ सय रोपनी क्षेत्रफलमा गरिएको आफीम खेती नष्ट गरेको हो ।

गाँजा भन्दा महङ्गो मुल्यमा विक्रि हुने भएपछी बेनीघाट रोराङ्ग गाउँपालीकास्थित च्यात्राक र सिमटारलगाएतका विकट स्थानहरुका मानिसहरुले मुख्य बालीलाई नै अफीम बनाई खेती गर्दै आएको खुलासा भएको छ ।

शसस्त्र प्रहरी वल धादिङ, नेपाल प्रहरी र स्थानीयहरुको सहयोगमा सो अबैध खेती नष्ट गरेको धादिङ प्रहरीले जनाएको छ ।-