सुदृढ र बलियो एमाले बनाउने अभियानमा छौं : नेता नेपाल

काठमाडौं– नेकपा एमालेका नेता माधवकुमार नेपालले पार्टीलाई सुदृढ र बलियो बनाउने बताउनुभएको छ ।

आजदेखि सुरु भएको एमालेका नेपाल–खनाल पक्षको राष्ट्रिय कार्यकर्ता भेलालाई सम्बोधन गर्दै उहाँले पार्टी सङ्कटमा पुगेकाले बचाउनुपर्ने बताउनुभयो । उहाँले पार्टीभित्र देखिएको समस्यालाई पार्टीमै छलफल हुनुपर्ने भन्दै आफूले पार्टी एकताका लागि मिलेर अगाडि बढ्न चाहेको समेत स्पष्ट पार्नुभयो ।

भेलामा अर्का नेता झलनाथ खनालले पार्टीलाई एकताबद्ध बनाउनुपर्नेमा जोड दिँदै फागुन २८ गते गरिएको निर्णय खारेज हुनुपर्नेमा माग राख्नुभयो । उहाँले कर्णाली प्रदेशको सरकारलाई आफूहरुको समर्थन रहने बताउनुभयो । भेला भोलिसम्म चल्ने बताइएको छ ।