प्रधानमन्त्री–सभामुखबीच भेट, संसदलाई प्रभावकारी बनाउने विषयमा छलफल

काठमाडौं– प्रधानमन्त्री केपी शर्मा ओली र सभामुख अग्निप्रसाद सापकोटाबीच भेटवार्ता भएको छ ।

प्रधानमन्त्री निवास बालुवाटारमा शनिबार बिहान भेटवार्ता भएको प्रधानमन्त्रीका प्रेस सल्लाहकार सूर्य थापाले जानकारी दिनुभयो । संघीय संसद्लाई प्रभावकारी बनाउनेबारे छलफल भएको सभामुखको निजी सचिवालयले जनाएको छ । संसदलाई प्रभावकारी बनाउने, संसदीय गतिविधि र संसद्‍मा विचाराधीन महत्त्वपूर्ण विधेयकबारे छलफल भएको सचिवालयको भनाइ छ ।

सभामुखले सर्वदलीय बैठक बोलाउनेबारे प्रधानमन्त्रीलाई जानकारी गराउनुभएको छ ।