पर्यटन मन्त्रीलाई कोरोना संक्रमण

काठमाडौं– संस्कृति, पर्यटन तथा नागरिक उड्डययन मन्त्री भानुभक्त ढकाललाई कोरोना संक्रमण भएको छ ।

पर्यटन मन्त्री ढकाल र उहाँकी श्रीमतीलाई कोरोना संक्रमण पुष्टि भएको हो । ‘आज गरिएको परीक्षणबाट हामी श्रीमान श्रीमतीलाई कोभिड १९ संक्रमण भएको नतिजा प्राप्त भएको छ । हाल हाम्रो स्वास्थ्य अवस्था सामान्य रहेको छ र हामी निवासमा नै आराम गरिरहेका छौँ,’ उहाँले भन्नुभयो ।

मन्त्री ढकालले यस बीचमा हामीसँग सम्पर्कमा आउनुभएकाहरुलाई सावधानी र सजगता अपनाउनुहुन अनुरोध गर्नुभएको छ ।

यसअघि ऊर्जा, जनस्रोत तथा सिँचाइ मन्त्री टोपबहादुर रायमाझी र खानेपानी मन्त्री मणि थापालाई पनि संक्रमण भएको थियो ।