काबुलमा विद्यालय नजिक भएको कार बम विस्फोटमा ३० जनाको मृत्यु

काबुल– अफगानिस्तानको राजधानी काबुलमा एउटा विद्यालय नजिक भएको कार बम विस्फोटमा परी ३० जनाको मृत्यु भएको छ । विस्फोटमा दर्जनौं मानिसहरु घाइते भएका छन् ।

बहुसंख्यक छात्राहरु रहेको विद्यालयमा विस्फोट गराइएको शिक्षा मन्त्रालयका प्रवक्ताले जनाएका छन् । विस्फोट तालिवान आतंकवादीले गरेको आशंका गरिएपनि सो विस्फोटनमा आफ्नो संलग्नता नरहेको तालेवानको भनाइ छ । यस्तो बिस्फोट सुन्नी समुदायले गर्ने हुनाले यो बिस्फोट पनि सुन्नी समुदायले नै गराएको आशंका गरिएको छ ।

एक वर्ष अगाडि एउटा अस्पतालको प्रशुतिगृहमा यस्तै आक्रमण हुँदा २४ जना महिला र बालबालिकाहरुको मृत्यु भएको थियो । सिया समुदायको बाहुल्यता भएको क्षेत्रमा सो विस्फोट भएको थियो ।