संवैधानिक परिषदको बैठक बालुवाटारमा

कठमाडौं- संवैधानिक परिषद्को बैठक प्रधानमन्त्रीकाे सरकारी निवास बालुवाटारमा शुरु भएको छ ।

बैठकमा संवैधानिक निकायमा रिक्त पदमा पदपूर्ति लगायतको विषयमा छलफल हुने बताइएकाे छ ।

परिषद्काे सदस्य विपक्षी दलका नेता शेरवहादुर देउवा र सभामुख अग्निप्रसाद सापकाेटाले यसअघि नै उपस्थित नहुने बताएपछि बैठक हुने नहुनेमा अन्याैल थियाे ।

बैठकमा प्रधानमन्त्रीसहित  प्रधान न्यायाधीश चाेलेन्द्र शम्शेर जवरा तथा राष्ट्रियसभाका अध्यक्ष गणेश तिमिल्सिना उपस्थित हुनुहुन्छ ।

संबैधानिक परिषदको बैठक नवस्न प्रमुख प्रतिपक्षी दलका नेता शेरवहादुर देउवा र नेकपा माओवादी केन्द्रका अध्यक्ष पुष्पकमल दाहालले विज्ञप्तीमार्फत सचेत गराउनुभएको थियो ।

त्यसो त नेकपा एमालेकै  बरिष्ठ नेता माधवकुमार नेपालले पनि संवैधानिक परिषदको बैठक बसेर नियुक्तिहरु नगर्न सामाजिक संजालमार्फत सरकारको ध्यान आकृष्ट गर्नुभएको थियो ।।