कोरोना संक्रमित फेरि बढे, संक्रमणमा नयाँ रेकर्ड, मृत्यु १३९ जना

काठमाडौं– दुई दिन कमी आएको नेपालमा कोरोना संक्रमण फेरि बढ्दै नयाँ रेकर्ड कायम भएको छ । आज ९२७१ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको १८४११ जनाको पीसीआर र एन्टीजेन परीक्षणमा ९२७१ जनामा संक्रमण पुष्टि भएको हो ।

गत २४ घण्टामा ४००७ जना संक्रमणमुक्त भएको मन्त्रालयले जनाएको छ । नेपालमा निको हुने दर ७६ प्रतिशत रहेको छ ।

कोरोना संक्रमणबाट नेपालमा थप १३९ जनाको मृत्यु भएको छ । यो नेपाली सेनाको कोरोनाबाट मृत्यु भएकाहरुको शव व्यवस्थापनका आधारमा थप गरिएको संख्या समायोजन गर्दाको हो ।