संकलन गरेको एक हप्तासम्म आउँदैन गोरखामा स्वाबको नतिजा

गोरखा- गोरखामा आजसम्म तीन हजार चार सय ९१ जनाको स्वाब संकलन गरेकोमा महिला ८७८ र पुरुष १०८५ रहेका छन् ।

तीन हजार चार सय ९१ जनाको मध्ये १९६२ जनाको मात्र रिपोर्ट प्राप्त भएको छ । जसमध्ये जिल्ला भित्र र बाहिर गरी ७९४ जना संक्रमित रहेको यहाँ आजसम्म एकसय ५६ जना कोरोनामुक्त भएको स्वास्थ्य कार्यालय गोरखाले जनाएको छ ।

गोरखा जिल्लामा भएका नौ वटा गाउँपालिका र दुई नगरपालिकामा अझै पनि एक हजार पाँच सय २८ जनाको पिसिआर रिपोर्ट आउन बाँकी रहेको महामारी फोकल पर्सन नारायण अर्यालले जानकारी दिए ।

हाल गोरखामा ४१६ जना मात्र सक्रिय संक्रमित रहेका अर्यालले बताए । गोरखा घर भई जिल्लाभित्र र बाहिर गरी १४ जनाको मृत्यू भएको कार्यालयले जनाएको छ ।

त्यस्तै गोरखा जिल्लाभित्र संक्रमित भएर मृत्यु हुनेको संख्या ६ रहेको छ भने जिल्लाबाहिर उपचार गरेर मृत्यु हुनेको संख्या ८ जना रहेको र अझै महिला ६६४ र पुरुष ८६४ गरि जम्मा १५२८ जनाको रिपोर्ट आउन बाँकी रहेको अर्यालले बताए ।

हप्ता दिनसम्म पनि रिपोर्ट नआउँदा स्वाब संकलन गरेकाहरु तथा वरिपरिका बासिन्दाहरु चिन्तित भएका छन् । रिपोर्ट ढिलो आउनका कारण गोरखामा कोरोनाका बिरामीहरु बढेको स्थानीयले बताए ।।