अवरुद्ध सिद्धार्थ राजमार्ग एकतर्फी खुल्यो

पाल्पा- हिजो बिहानैदेखि अवरुद्ध सिद्धार्थ राजमार्गको पाल्पा बुटवल सडकखण्ड एकतर्फी रुपमा संचालनमा आएको छ ।

निरन्तरको वर्षाका कारण ढुङ्गासहितको पहिरो खसेर अवरुद्ध सडकका ढुङ्गा पन्छाएर एकतर्फी रुपमा सडक सुचारु गरिएको हो ।

तिनाउ गाउँपालिका वडा नं.३ को सिसुवा नजिकै खसेको पहिरो पन्छाएर एकतर्फी रुपमा सडक सुचारु गरिएको सडक डिभिजन कार्यालय पाल्पाका सूचना अधिकारी शिबु खत्रीले जानकारी दिनुभयो ।

प्रहरी र सडक डिभिजन कार्यालय पाल्पाको स्काभेटरको सहायतामा एकतर्फी रुपमा सडक सुचारु गरिएको र भोलीदेखि मात्रै दुईतर्फी रुपमा संचालनमा आउने सडक डिभिजन पाल्पाले जनाएको छ ।

दिनभर सडक अवरुद्ध हुँदा यात्रुवहाक सवारी नचलेको भएपनि अत्यावश्यक सेवका सवारीहरु समयमा गन्तव्यमा पुग्न समस्या भएको प्रहरीले जनाएको छ ।-