नवलपरासीस्थित चौधरी उद्योग ग्राममा आगालागी

पूर्वी नवलपरासीको देवचुलीमा रहेको चौधरी उद्योग ग्राममा आज बिहानैदेखि आगलागी भइरहेको छ ।

बिहान साढे ८ बजेबाट उद्योगको वियर र चाउचाउ उत्पादन गर्ने प्लान्टमा आगलागी भएको हो।

आगो अझै नियन्त्रणमा नआएको र नियन्त्रणमा लिन दमकल सहित सुरक्षाकर्मी र मजदुर पनि खटिएको पूर्वी नवलपरासीका प्रहरी उपरिक्षक प्रकाश मल्लले बताउनुभयो ।

बियर र चाचाउ प्याक गर्ने कागजमा आगो लागेकाले आगो छिटौ फैलिएको प्रहरीले जनाएको छ ।

आगो गोदामबाट सुरु भएर मुख्य भवनमा सरेकाले नियन्त्रणमा लिन कठिन भइरहेको चौधरी ग्रुपका सहायक प्रबन्धक सुवास देवकोटाले जानकारी दिनुभयो ।

आगालागी कसरी सुरु भयो भन्ने थाहा हुन सकेको छैन ।।