पहिरोले पृथ्वी राजमार्ग अवरुद्ध, एकतर्फी सवारी संचालन गर्ने प्रयास जारी

धादिङ- गए रातिदेखी परेको वर्षाका कारण आएको लेदो माटोका कारण पृथ्वी राजमार्ग अबरुद्ध भएको छ ।

बेनीघाट रोराङ्ग गाउँपालकास्थित मझिमटार मौवाखोला खण्डमा पर्ने तिक्रङ्ग खानीमा सडक भन्दा माथिबाट बगेर आएको लेदो माटोका कारण सडक बन्द भएको हो ।

राजमार्ग अबरुद्ध भएका कारण मालवाहक सवारीक साधनहरु जाममा परेको राजमार्ग प्रहरीले जानकारी दिएको छ ।

अहिले पनि वर्षा भइरहेकोले लेदो पन्छाउने काममा केही समस्या आएको प्रहरीको भनाइ छ । सडक खुलाउने प्रयास जारी रहेको पनि प्रहरीले जनाएको छ ।।