जापानमा स्वास्थ्य संकटकाल हटाउने तयारी

जापान सरकारले राजधानी टोकियो सहित नौ वटा शहरमा कोभिड १९ नियन्त्रणका लागि लगाइएको स्वास्थ्य सङकटकाल हटाउदै लैजाने तयारी गरेको छ ।

आगामी सोमबारदेखि जापान सरकारले कोभिड १९ नियन्त्रणका लागि लगाइएको स्वास्थ्य सङकटकाल हटाउने निर्णय गरेको हो । गत अप्रिल २५ देखि राजधानी टोकियो, ओसाका, क्योटो र ह्योगोमा आपतकाल लगाइएको थियो ।

यसअघि गत मे ११ मै आपतकाल हटाउने पूर्व निर्णय गरिए पनि दुई पटक आपतकाल बढाइएको थियो ।

सरकारको निर्णय बमोजिम आगामी जुन २० देखि ओकिनावा बाहेक अन्यत्रको आपतकाल अन्त्य हुनेछ ।।