राष्ट्रिय एकताका लागि पहल गर्छुः सभामुख

काठमाडौं– सभामुख अग्निप्रसाद सापकोटाले बृहत् राष्ट्रिय एकताका लागि गुणात्मक हिसाबले पहल गर्ने बताउनुभएको छ ।

मुलुकको समग्र हितका लागि राष्ट्रिय एकता अपरिहार्य भएको उल्लेख गर्दै सभामुख सापकोटाले विगतका सबै कुराको समिक्षासहित एकतालाई प्राथमिकतामा राख्ने बताउनुभयो । पुनर्स्थापित संसद बैठकको तयारीका लागि संसद भवनको निरीक्षण गर्ने क्रममा संचारकर्मीसँग कुरा गर्दै उहाँले संसदको सार्वभौम अधिकार स्थापित गर्न सधै क्रियाशील रहने समेत बताउनुभयो ।

सर्वोच्च अदालतले पुनर्स्थापना गरेपछि संसद बैठक बस्न लागेको हो । राष्ट्रपति विद्यादेवि भण्डारीले ३ गतेका दुबै सदनको बैठक बोलाउनुभएको छ । बैठक बस्नुअघि सांसद तथा कर्मचारीको एन्टीजेन्ट परीक्षणको काम संसद भवन नयाँ बानेश्वरमा सुरु भएको छ ।