कोरोना संक्रमण उच्चविन्दुमा, एकैदिन ४९०१ संक्रमित

काठमाडौं- नेपालमा कोरोना संक्रमण फेरि उच्चविन्दुमा पुगेको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १९ हजार १ सय २३ जनाको नमूना परीक्षण गर्दा ४ हजार ९ सय १ जनामा संक्रमण पुष्टि भएको छ ।

२४ घण्टामा २ हजार १ सय १५ जना निको भएका छन् भने ३५ जनाको मृत्यु भएको छ ।

नेपालमा सक्रिय संक्रमितको संख्या ३७ हजार ३ सय ३२ जना रहेको छ ।

नेपालमा कोरोनाबाट अहिलेसम्म १० हजार १ सय ५० जनाको मृत्यु भएको छ ।