अझै तीन दिन महसुन सक्रिय रहने

काठमाडौं– अझै तीन दिन देशभर मनसुन सक्रिय रहने जल तथा मौसम विज्ञान विभागले जनाएको छ ।

मनसुनी न्यून चापीय रेखा नेपालको तराई–भूभाग नजिकै रहेकाले अझै तीन दिन मनसुन सक्रिय हुने विभागले जनाएको हो । यस अवधिमा दिउँसो भन्दा रातको समय वर्षा लामो समय हुने छ।

विभागले प्रदेश नं १, वाग्मती, गण्डकी र लुम्बिनी प्रदेशका केही स्थानमा भारी वर्षाको सम्भावना रहेकाले पहाडी भूभागमा भूक्षय, पहिरोको जोखिम रहेकोले आवश्यक सतर्कता अपनाउन समेत अनुरोध गरिएको छ ।