सिद्धार्थ राजमार्ग अन्तर्गत राम्दीमा पहिरोले दुईवटा घर पुरिँदा १ जनाको मृत्यु

पाल्पा- सिद्धार्थ राजमार्ग अन्तरगत राम्दीमा पहिरोले घर पुरिदा एक जनाको मृत्यु भएको छ ।

स्याङ्जाको गल्याङ नगरपालिका वडा नं.१ राम्दीमा आइतबार बेलुका करिब ५ बजेतिर खसेको पहिरोले दुई घर पुर्दा होटमा खाजा खान पसेको व्यक्तिको मृत्यु भएको स्थानीयले बताएका छन् ।

स्थानीय शिवहरी अमात्यका अनुसार शान्ती होटलमा खाजा खादै गरेका एक जनाको मृत्यु भएको हो । मृतकको पहिचान खुल्न नसकेको पनि स्थानीयले बताएका छन् ।

राम्दीका दिपेन्द्र श्रेष्ठ र लक्ष्मी श्रेष्ठको घर पहिरोले पुरेको हो ।

होटल सञ्चालक गरिएको घर पुरिएपछि होटलकाका संचालक अन्दाजी ४० वर्षीय लक्ष्मी श्रेष्ठ र सोही होटलमा कामगर्ने कान्छा भनिने अन्दाजी २० युवक घाइते भएका छन् ।

घाइतेहरुलाई तानसेनस्थित युनाइटेड मिसन अस्पतालमा उपचारका लागि पठाइएको स्थानीयले बताएका छन् ।।