काठमाडौं लगायत विभिन्न जिल्लामा आजदेखि भेरोसेलको पहिलो खोप लगाउन शुरु

काठमाडौँ- आजदेखि भेरोसेलको पहिलो खोप लगाइदैँ छ । यसक्रममा १० वटा हिमाली जिल्लाका १८ वर्षमाथिका नागरिकलाई अभियानकै रुपमा कोरोना विरुद्धको खोप लगाइने भएको हो ।

स्वास्थ्य तथा जनसङ्ख्या मन्त्रालयका अनुसार ताप्लेजुङ, संखुवासभा, सोलुखुम्बु, रसुवा, जुम्ला, मुगु, हुम्ला, डोल्पा, बाजुरा र दार्चुलामा १८ वर्षमाथिका नागरिकलाई भेरोसेल खोप लगाउन लागिएको हो ।

यसैगरी काभ्रे र चितवनमा २५ वर्ष उमेरमाथिकालाई तथा काठमाडौं, ललितपुर, भक्तपुर, मकवानपुर, रामेछाप, सर्लाही र अछाममा भने ४० वर्ष माथिकालाई खोप लगाइने मन्त्रालयले जनाएको छ । बाँकी ५८ जिल्लामा भने ४५ वर्ष माथिका नागरिकलाई खोप लगाइनेछ ।।

प्रतिक्रिया राख्नुहोस्

Back to top button
Close

Adblock Detected

Please turn off the Ad Blocker to browse our secure website.