मन्त्रिपरिषद् बैठकः नेपाल एयरलाइन्सको कार्यकारी अध्यक्षमा युवराज अधिकारी

काठमाडौं- नेपाल एयरलाइन्सको कार्यकारी अध्यक्ष युवराज अधिकारी नियुक्त हुनुभएको छ ।

मन्त्रिपरिषदको सोमबार साँझ बसेको बैठकले निगमका पूर्वकर्मचारी अधिकारीलाई नियुक्त गरेको सरकारका प्रवक्ता तथा सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिनुभयो ।

निगमका कार्यकारी अध्यक्ष सुशील घिमिरेको राजीनामा स्वीकृत गर्दै अधिकारीलाई नियुक्त गरिएको हो ।

सरकारले बेमौसमी वर्षाका कारण धानबालीमा भएको क्षतिबारे अध्ययन गरी ३ दिनभित्र प्रतिवेदन दिन गृह मन्त्रालयका सचिव टेकनारायण पाण्डेको संयोजकत्वमा कार्यदल गठन गरेको छ ।

बैठकले नेपाल प्रहरी र सशस्त्र प्रहरीको रासनको दररेटमा १५ प्रतिशत वृद्धि गर्ने पनि निर्णय गरेको छ ।