प्रधानन्यायाधीश राणाले तोक्नुभयो ११ इजलास

काठमाडौं-सर्वोच्च अदालतका प्रधानन्यायाधीश चोलेन्द्र शम्शेर जबराले आजका लागि ११ वटा इजलास तोक्नुभएको छ । आज प्रधानन्यायाधीश राणाले संवैधानिक इजलासहितको पेशी तोक्नुभएको सर्वोच्च अदालतले जनाएको छ ।

यसअघि सोमबार र मंगलबार न्यायाधीशहरुले पेशी बहिष्कार गर्नुभएको थियो । न्यायाधीशहरुले पेशी बहिष्कार गरिरहनुहुँदा प्रधानन्यायाधीश जबरले आज आफू मात्रै रहने पूर्ण इजलासमा पेशी तोक्नुभएको हो ।

इजलासमा वरिष्ठतमका आधारमा न्यायाधीशहरु दीपककुमार कार्की, मीरा खड्का, हरिकृष्ण कार्की र विश्वम्भरप्रसाद श्रेष्ठ रहनुभएको छ ।

संवैधानिक इजलासमा एउटा मात्रै मुद्दा पेशीमा राखिएको छ । प्रधानमन्त्री तथा मन्त्रिपरिषद्को कार्यालयविरुद्ध गणेश हमालसमेतले दायर गरेको रिट निवेदन संवैधानिक इजलासको पेशीमा छ ।

यता आज पनि पेशी बहिष्कार गर्ने गरी  न्यायाधीशहरु भने आन्तरिक छलफलमा हुनुहुन्छ ।।