राप्ती पुलमा मोटरसाइकल दुर्घटना, एक जनाको मृत्यु

दाङ- दाङमा गएराती मोटरसाइकल दुर्घटना हुँदा एक जनाको मृत्यु भएको छ ।

सिसहनिया-महदेवा जोड्ने पुलमा रा १ प ६३४५ नम्बरको मोटरसाइकल दुर्घटना हुँदा गढवा गाउँपालिका-२ घुस्रा निवासी २२ बर्षिय समीर चौधरीको मृत्यु भएको जिल्ला प्रहरी कार्यालय दाङले जनाएको छ ।

महदेवाबाट सिसहनिया जाने क्रममा मोटरसाइकल अनियन्त्रित भएर पुलमा दुर्घटनामा परेको थियो । घाइते चौधरीलाई उपचारका लागि लमही अस्पताल लैजाने क्रममा मृत्यु भएको हो ।-