म्यानमारको एक अदालतले नेतृ आङ सान सुकीलाई चार वर्षको जेल सजाय
म्यानमारकी नोबेल शान्ति पुरस्कार विजेता प्रजातन्त्रवादी नेतृ आङ सान सुकीलाई त्याहाको अदालतले चार वर्षको जेल सजाय सुनाएको छ ।
सुकीलाई सेनाविरूद्ध नागरिकलाई भड्काएको, कोभिड-१९ रोकथामका मापदण्ड उल्लंघन गरेको आरोपमा दोषी ठहर गर्दै जेल सजाय सुनाएको हो ।
उनीमाथि सेनाले भ्रष्टाचार गरेको, गैरकानुनी रूपमा वाकीटकी राखेकोलगायत धेरै आरोप लगाएको छ । गत वर्ष फेब्रुअरी १ मा म्यानमारको सेनाले जननिर्वाचित सरकारलाई अपदस्त गरेर सुकीलाई नियन्त्रणमा लिएको थियो ।
त्यसयता उनी सार्वजनिक रूपमा देखिएको छैन । बन्द कोठाभित्र उनको मुद्दाको सुनुवाइ भएको थियो।सुकीको पार्टी नेसनल लिग फर डेमोक्रेसी (एनएलडी)ले बहुमत ल्याएको पछी सैनिक कु भएको थियो ।
सेनाले कू गरेपछि म्यानमारमा दिनदिनै जसो प्रदर्शनहरू भइरहेका छन् । ती प्रदर्शनका क्रममा भएका दमनमा अहिलेसम्म १३ सय बढी नागरिकले ज्यान गुमाएका छन् ।।
प्रतिक्रिया राख्नुहोस्