काँग्रेस महाधिवेशन : मतदान राति ९ बजेसम्म

काठमाडौं- नेपाली काँग्रेस केन्द्रीय निर्वाचन समितिले आज बिहानदेखि सुरु भएको मतदान प्रक्रिया राति ९.०० बजेसम्म कायम हुने जानकारी दिएको छ ।

निर्वाचन समितिका सदस्य एवम् अधिवक्ता तेजनारायण रावलका अनुसार आज बिहान ८ देखि साँझ ५ बजेसम्म मतदानको कार्यतालिका तय गरेको थियो । तर, निर्धारित सम्ममा मतदान प्रक्रिया नसकिएपछि समय थप गरिएको हो ।

मतदानका लागि भृकुटीमण्डप र राष्ट्रियसभामा मतदान केन्द्र तोकिएको राखिएका छन । कांग्रेसको नयाँ केन्द्रीय कार्य समितिको पदाधिकारी र सदस्य चयनका लागि ४७२३ जना महाधिवेशन प्रतिनिधिले मतदान गर्नेछन् ।।